• 11 •
ཆོས་སྤྱོད་འདོད་འཇོའི་བུམ་བཟང་།
སྦས་ཡུལ་ཙུམ་གྱི་ཞལ་འདོན་ཕྱོགས་བསྡེབས་འདོད་འཇོའི་བུམ་བཟང་ནང་དུ་སྦས་ཡུལ་ཙུམ་གྱི་སྲོལ་རྒྱུན་གྱི་ཞལ་འདོན་གཙོ་བོ་རྣམས་དང་། དེང་དུས་ཀྱི་དགོས་དགུ་ཆེ་བ་རྣམས་ཀྱང་ལྷན་དུ་ཕྱོགས་སྡེབས་བྱེད་པ་ཞིག་ཡིན། འཕྲུལ་དེབ་འདིའི་སྦས་ཡུལ་ཙུམ་སོགས་ཧི་མ་ལ་ཡི་རིགས་རྒྱུད་པ་རྣམས་ཀྱི་ཉིན་རེར་ཁ་ཏོན་སོགས་ཚོགས་བསགས་སྒྲིབ་སྦྱོང་ལ་ཕན་པ་རྒྱ་མི་ཆུང་བ་ཞིག་བྱུང་བའི་རེ་སྨོན་ཞུ།
སྒྱུ་འཕྲུལ་ཞི་ཁྲོའི་འཆམ་ཡིག
དེབ་འདིའི་ནང་། སྦས་ཡུལ་ཙུམ་དུ་དར་བའི་སྒྱུ་འཕྲུལ་ཞི་ཁྲོ་སོགས་ཀྱི་འཆམ་ཡིག་དང་། འཆམ་རྩལ་བཅས་པ། དེ་བཞིན་སྔར་ནས་དར་ཡོད་པའི་ལྷའི་སྐུ་འཆམ་རྣམས། རྒྱལ་བ་གོང་མའི་ཕྱག་བཞེས་དང་མཐུན་པར། སྐུ་འཆམ་རྣམ་པར་དག་པའི་ལམ་ལུགས་མི་ཉམས་པར་གོང་འཕེལ་ཡོང་བའི་ཆེད་ཕྱོགས་སྡེབས་བྱས་པ་ཞིག་ཡིན།
སྦས་ཡུལ་ཙུམ་གྱི་གཞས་ཚིག་ཕྱོགས་བསྡེབས་དྲི་ཟའི་གླུ་དབྱངས།
དཔེ་དེབ་འདིའི་ནང་དུ་སྦས་ཡུལ་ཙུམ་ཚོ་བཅུ་གསུམ་གྱི་གླུ་གཞས་རྣམས་ཕྱོགས་གཅིག་ཏུ་སྡེབ་ནས་ཕྱོགས་སྒྲིག་བྱེད་ཡོད། སྤྱིར་མི་རིགས་སོ་སོ་མུ་མཐུད་དེ་གནས་དགོས་ན་ངེས་པར་དུ་མི་རིགས་རང་ཉིད་ཀྱི་སྐད་རིགས་དང་རིག་གཞུང་། དེ་བཞིན་ཆོས་ལུགས་རྣམས་སྲུང་སྐྱོབ་བྱ་དགོས་པ་ཡིན། རིག་གཞུང་ལའང་མི་འདྲ་བ་སྣ་ཚོགས་ཡོད་པ་ལས་མི་རིགས་རང་ཉིད་ཀྱི་ཐུན་མོང་མ་ཡིན་པའི་གླུ་གཞས་རྣམས་ནི་རིག་གཞུང་གི་ཤིན་ཏུ་གལ་ཆེ་བའི་ཆ་ཤས་ཞིག་ཡིན། ཙུམ་པ་རྣམས་ལ་མེས་པོ་རྣམས་ནས་བརྒྱུད་པའི་ཐུན་མོངས་མ་ཡིན་པའི་སྔོན་གླུ་དུ་མ་ཞིག་ཡོད་པས། དེ་དག་རྣམས་མི་ཉམས་གོང་འཕེལ་དང་། ལྷག་པར་དུ་མ་འོངས་པར་ན་གཞོན་ཕོ་མོ་རྣམས་སོ་སོའི་སྲོལ་རྒྱུན་གླུ་གཞས་རྣམས་ཡིད་ལ་འཛིན་བདེ་བའི་ཆེད་དུ་དམིགས་ནས་ཕྱོགས་བསྡེབས་བྱས་པ་ཡིན།
ནེ་པཱལ་གྱི་ལོ་རྒྱུས་མདོར་བསྡུས།
དེབ་འདིའི་ནང་ནེ་པཱལ་གྱི་རྒྱལ་རབས་ལོ་རྒྱུས་དང་། དེ་བཞིན་ནང་པའི་གནས་བཤད་བོད་ལ་མ་གྲགས་པ་ནེ་པཱལ་རང་གི་ལོ་རྒྱུས་ནང་གསལ་བའི་དོན་གནད་ཆེ་བ་རྣམས་བསྡུས་ནས་བྲིས་ཡོད། སྤྱིར་བོད་སྐད་དུ་ནང་པའི་གནས་ཡིག་དང་བླ་མ་རྣམས་ཀྱི་རྣམ་ཐར་འབྲེལ་བའི་ལམ་ཡིག་ཙམ་ལས་རྒྱལ་རབས་ལོ་རྒྱུས་ཀྱི་དེབ་ཐེར་ནི་མཇལ་རྒྱུ་ཆེས་དཀོན་པས་སྒྱུར་རྩོམ་བྱས་པ་ཞིག་ཡིན། འདི་ནི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
A Rosary of Rubies
The Chronicle of the Gur-rigs mDo-chen Tradition from South-West Tibet
This book presents a history of a less known Dochen Kagyu school (sub-branch of Drukpa Kagyu), also called Madunpa’s Tradition, written by Dakarwa Chokyi Wangchuk. It was translated and introduced in a rather academic style by Prof. Dr. Franz-Karl Ehrhard, who has agreed that it would be republished by Tsum Research Group as a part of their project – a collection of texts presenting the history of Tibetan religion and culture on the current territory of Nepal.
སྦས་ཡུལ་ཙུམ་གྱི་ཡིག་མཛོད་ལས་ལོ་རྒྱུས་རིག་གཞུང་སྐོར། གསུམ་པ།
གུར་རིགས་མདོ་ཆེན་གྱི་ལོ་རྒྱུས་པདྨ་རཱ་གའི་ཕྲེང་བ།
དེབ་འདིའི་ནང་སྟོད་འབྲུག་མ་བདུན་བཀའ་བརྒྱུད་ཀྱི་བྱུང་བ་དང་། མང་ཡུལ་སྐྱིད་གྲོང་ལ་ལྡེབས་དང་སྦས་ཡུལ་ཙུམ་དུ་གུར་རིགས་མདོ་ཆེན་པའི་བླ་བརྒྱུད་ཀྱི་བྱུང་རིམ་དང་། ཇར་མ་ནིའི་སློབ་དཔོན་ཆེན་པོ་ཨེརྷཌ་མཆོག་གི་དབྱིན་བསྒྱུར་པདྨ་རཱ་གཱའི་ཕྲེང་བ་དང་། དེ་འབྲེལ་དཔྱད་རྩོམ་རྣམས་བཞུགས་ཡོད། འདི་ནི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
ལོ་རྒྱུས་ཞིབ་འཇུག་ལོ་ཙཱ་ཚོགས་པ་ནི། ཕྱི་ལོ་ ༢༠༡༩ ལོར་བལ་ཡུལ་ཧི་མ་ལ་ཡའི་ནང་གསེས་གྲངས་ཉུང་མི་རིགས་ཙུམ་གྱི་དགེ་འདུན་པ་འགའ་ཞིག་གིས་བཙུགས་པའི་ཚོགས་ཆུང་ཞིག་ཡིན་ཞིང་། དེ་ཡི་དམིགས་ཡུལ་ནི་ད་ལྟ་བལ་ཡུལ་གྱི་མངའ་ཁུལ་དུ་ཆགས་ཤིང་ཆོས་དང་རིག་གཞུང་གང་ནས་ཀྱང་བོད་དང་ཁ་བྲལ་ཐབས་མེད་པའི་ཧི་མ་ལ་ཡའི་མི་རྒྱུད་རྣམས་ཀྱི་ལོ་རྒྱུས་སོགས་ཡིག་ཆ་སྤྱི་དང་། བྱེ་བྲག་དུ་རྣལ་འབྱོར་གྱི་དབང་ཕྱུག་རྗེ་བཙུན་མི་ལ་རས་པའི་ཞབས་དངོས་སུ་ བཅགས་ཏེ་ཕུག་རོན་ལྷའི་བུ་མོ་སོགས་མི་མ་ཡིན་པའི་འགྲོ་བའི་དོན་མཛད་པའི་གནས། སྦས་ཡུལ་ཙུམ་གྱི་ལོ་རྒྱུས་སོགས་ཡིག་ཆ་རྣམས་འཚོལ་བསྒྲུབ་དང་ཞིབ་འཇུག་བྱ་བའི་ཆེད་དུ་ཡིན། འདི་ལ་བརྟེན་ནས་བོད་དང་ཧི་མ་ལ་ཡའི་རླབས་ཆེན་གྱི་རིག་གཞུང་ལའང་ཆར་པ་ཆུ་གྲོགས་ལྟ་བུའི་ཞབས་ཏོག་ཕྲན་བུ་ཙམ་ཡོང་བའི་རེ་སྨོན་ཞུ།
སྦས་ཡུལ་ཙུམ་གྱི་ཡིག་མཛོད་ལས་རྣམ་ཐར་སྐོར། དེབ་འཕྲེང་གསུམ་པ།
ཙུམ་དུ་བྱོན་པའི་སྐྱེས་ཆེན་དམ་རྣམས་ཀྱི་རྣམ་ཐར།
དེབ་འདིའི་ནང་བལ་བོད་ཀྱི་ས་མཚམས་སུ་གནས་པའི་སྦས་ཡུལ་སྐྱིད་མོ་ལུང་ངམ་ཙུམ་གྱི་ཡུལ་དུ་འཁྲུངས་པའམ། ཞབས་ཀྱི་བཅག་མྱོང་བའམ། མཛད་འཕྲིན་སྐྱོངས་མྱོང་བའི་སྐྱེས་ཆེན་དམ་པ་ཨོ་རྒྱན་དཔལ་བཟང་། པདྨ་དོན་གྲུབ། པདྨ་དབང་འདུས། པདྨ་ལྷུན་གྲུབ། ཨོ་རྒྱན་ལྷུན་གྲུབ་རྒྱ་མཚོ་བཅས་ཀྱི་རྣམ་ཐར་རྣམས་བཞུགས་ཡོད། འདི་ནི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
སྦས་ཡུལ་ཙུམ་གྱི་ཡིག་མཛོད་ལས་ལོ་རྒྱུས་རིག་གཞུང་སྐོར། དེབ་འཕྲེང་གཉིས་པ།
ལོ་རྒྱུས་ཡིག་རྙིང་།
དེབ་འདིའི་ནང་བལ་བོད་ཀྱི་ས་མཚམས་སུ་གནས་པའི་སྦས་ཡུལ་འཁན་པ་ལུང་ངམ། ཙུམ་ལུང་པའི་ཆགས་ཚུལ། རིམ་གྱིས་རྙེད་ཚུལ། ས་ཡུལ་རྣམས་ཀྱི་མིང་འདོགས་ཚུལ། གཞན་ཡང་གཞི་བདག་རྣམས་ཀྱི་སྐོར། རིགས་རུས་ཀྱི་སྐོར་བཅས་བཞུགས་ཡོད། འདི་ནི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
སྦས་ཡུལ་ཙུམ་གྱི་ཡིག་མཛོད་ལས་རྣམ་ཐར་སྐོར། དེབ་འཕྲེང་གཉིས་པ།
ཆོས་རྗེ་སྟོན་པ། མངའ་རིས་པཎ་ཆེན། ཡོལ་མོ་བསྟན་འཛིན་ནོར་བུ། གར་དབང་རྡོ་རྗེ། བསྟན་འཛིན་ནོར་བུ།
དེབ་འདིའི་ནང་བལ་བོད་ཀྱི་ས་མཚམས་སུ་གནས་པའི་སྦས་ཡུལ་སྐྱིད་མོ་ལུང་ངམ། ཙུམ་གྱི་ཡུལ་དུ་འཁྲུངས་པའམ། ཞབས་ཀྱིས་བཅག་མྱོང་བའམ། མཛད་འཕྲིན་སྐྱོངས་མྱོང་བའི་སྐྱེས་ཆེན་དམ་པ་ཆོས་རྗེ་སྟོན་པ། མངའ་རིས་པཎ་ཆེན། ཡོལ་མོ་བསྟན་འཛིན་ནོར་བུ། གར་དབང་རྡོ་རྗེ། བསྟན་འཛིན་ནོར་བུ་བཅས་ཀྱི་རྣམ་ཐར་རྣམས་བཞུགས་ཡོད། འདི་ནི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
སྦས་ཡུལ་ཙུམ་གྱི་ཡིག་མཛོད་ལས་ལོ་རྒྱུས་རིག་གཞུང་སྐོར། དེབ་ཕྲེང་དང་པོ།
སྦས་ཡུལ་སྐྱིད་མོ་ལུང་གི་གནས་ཡིག་ཕྱོགས་བསྡེབས།
དེབ་འདིའི་ནང་བལ་བོད་ཀྱི་མཚམས་སུ་གནས་པའི་སྦས་ཡུལ་སྐྱིད་མོ་ལྗོངས་སམ། ཙུམ་དུ་གྲགས་པའི་གནས་ཀྱི་ལུང་བསྟན་དང་ཐེམ་བྱང་། ལམ་ཡིག །ཁ་བྱང་། གནས་ཡིག །གཞི་བདག་མཆོད་ཐབས་བཅས་བཞུགས་ཡོད། འདི་ནི་ཙུམ་གྱི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པ་ཡིན།
སྦས་ཡུལ་ཙུམ་གྱི་ཡིག་མཛོད་ལས་རྣམ་ཐར་སྐོར། དེབ་ཕྲེང་དང་པོ།
གུ་རུ། མི་ལ། མ་བདུན། གདན་ས་པ། ཆོས་རྗེ་སྟོན་པ།
དེབ་འདིའི་ནང་བལ་བོད་ཀྱི་མཚམས་སུ་གནས་པའི་སྦས་ཡུལ་སྐྱིད་མོ་ལྗོངས་སམ། བཙུམ་དུ་གྲགས་པའི་ཡུལ་དུ་འཁྲུངས་པའམ། ཞབས་ཀྱིས་བཅག་མྱོང་བའི་སྐྱེས་ཆེན་དམ་པ་སློབ་དཔོན་པདྨ་འབྱུང་གནས། རྗེ་བཙུན་མི་ལ་རས་པ། བླ་མ་མ་བདུན་རས་ཆེན། ཐུགས་སྲས་གདན་ས་རིན་ཆེན། མཉམ་མེད་ཆོས་རྗེ་སྟོན་པ་བཅས་ཀྱི་རྣམ་ཐར་རྣམས་བཞུགས་ཡོད། འདི་ནི་བཙུམ་གྱི་ལོ་རྒྱུས་ཞིབ་འཇུག་ལོ་ཙཱ་ཚོགས་པས་ཕྱོགས་སྒྲིགས་མཛད་པའི་ཡིག་མཛོད་ཀྱི་དེབ་ཕྲེང་དང་པོ་དེ་ཡིན།
