བོད་སྐད་འཕྲུལ་དེབ་ཡོངས་རྫོགས།

• 113 •

Featured image for “སེམས་ཙམ་པའི་ལྟ་གྲུབ་ཉི་ཤུ་པའི་འགྲེལ་པ་སེམས་ཙམ་འཇུག་ངོགས།”

སེམས་ཙམ་པའི་ལྟ་གྲུབ་ཉི་ཤུ་པའི་འགྲེལ་པ་སེམས་ཙམ་འཇུག་ངོགས།

EPUB PDF

༈ ཀུན་མཁྱེན་གཉིས་པ་སློབ་དཔོན་དབྱིག་གཉེན་གྱིས་མཛད་པའི་ཉི་ཤུ་པའི་རབ་བྱེད་ཅེས་བྱ་བ་འདི་ནི། ཐེག་ཆེན་སེམས་ཙམ་པའི་ལྟ་གྲུབ་ཀྱི་རྩ་བའི་མདོ། མདོ་སྡེ་དགོངས་འགྲེལ་དང་། མདོ་སྡེ་ས་བཅུ་པ། ལང་ཀར་གཤེགས་པའི་མདོ། དེའི་དགོངས་འགྲེལ་དུ་སེམས་ཙམ་པའི་སློབ་དཔོན་ཐོགས་མེད་སྐུ་མཆེད་གཉིས་ཀྱིས་སེམས་ཙམ་པའི་ལྟ་གྲུབ་ཀྱི་གཞི་ལམ་འབྲས་བུའི་རྣམ་བཞག་ལུས་ཡོངས་སུ་རྫོགས་པ་ཚང་ལ་མ་ནོར་བར་གསལ་བའི་བསྟན་བཅོས་རྣམས་ཀྱི་སྙིང་པོ་སྟེ། གཙོ་བོ་ཕྱི་དོན་འགོག་པ་ལ་ཉི་ཤུ་པའི་རབ་བྱེད་ཅེས་དང་། སྣང་བ་སེམས་སུ་གྲུབ་པ་ལ་སུམ་ཅུ་པའི་རབ་བྱེད་ཅེས་ཡོངས་སུ་གྲགས་པ་ལས། སྐབས་སུ་ཉི་ཤུ་པའི་རབ་བྱེད་ཀྱི་འགྲེལ་པ། སློབ་དཔོན་དཀོན་མཆོག་བསམ་འཕེལ་གྱིས་བརྩམས་པའི་«སེམས་ཙམ་པའི་ལྟ་གྲུབ་ཉི་ཤུ་པའི་འགྲེལ་པ་སེམས་ཙམ་འཇུག་ངོགས་»ཞེས་པ་དེ་ནི་སེམས་ཙམ་བསྟན་པའི་མདོ་དང་། འཕགས་ཡུལ་མཁས་པའི་བསྟན་བཅོས་རྣམས་སུ་ཁུངས་གཏུགས་ནས་རྗོད་བྱེད་ཀྱི་ཚིག་ཉུང་ལ། བརྗོད་བྱ་གནད་འདུས་པོ། དོན་དྲིལ་བ་དེང་དུས་ཀྱི་བཤད་གྲྭའི་སློབ་གཉེར་བ་རྣམས་དང་། སེམས་ཙམ་པའི་ལྟ་གྲུབ་ལ་དོན་གཉེར་ཅན་ཀུན་ལ་ཕན་རླབས་ཆེན་པོ་ཡོད་པ་སྣང་ངོ་།།

ད་དུང་བལྟ་ཀློག • Read More • 閱讀更多
Featured image for “གྲུབ་ཆེན་བདེ་ཆེན་རང་གྲོལ་གྱི་བླ་མའི་རྣལ་འབྱོར་དང་ཞལ་གདམས་གཅེས་བཏུས།”

གྲུབ་ཆེན་བདེ་ཆེན་རང་གྲོལ་གྱི་བླ་མའི་རྣལ་འབྱོར་དང་ཞལ་གདམས་གཅེས་བཏུས།

EPUB PDF

འདིར་མཁན་ཆེན་བླ་མ་རྡོ་རྗེ་འཆང་ཚུལ་ཁྲིམས་རྒྱ་མཚོ་རིན་པོ་ཆེ་མཆོག་གི་བརྩེ་བ་སྙིང་རྗེ་ཆེན་པོས་འཛམ་གླིང་ཤར་ནུབ་ཀྱི་སློབ་ཚོགས་སྐལ་ལྡན་དུ་མར་ལོ་མང་རྒྱུན་རིང་དུ་བསྩལ་བའི་མདོ་སྔགས་རིག་པའི་གཞུང་ལུགས་རྣམས་ཀྱི་དགོངས་འགྲེལ་དང་སྒོམ་ཁྲིད། ཐབས་ལམ་ནཱ་རོ་ཆོས་དྲུག་དང་གྲོལ་ལམ་ཕྱག་རྒྱ་ཆེན་པོའི་མན་ངག་དམར་ཁྲིད། ཁྱད་པར་ཐོལ་བྱུང་རྡོ་རྗེའི་མགུར་གླུ་ཞལ་གདམས་ཀྱི་རིམ་པ་མཐའ་ཡས་པ་ཞིག་བཞུགས་ཡོད་པའི་ནང་ནས། འདིར་མཚོན་བྱེད་ཙམ་དུ་ཟབ་མོའི་ཞལ་གདམས་འགའ་ཞིག་གཅེས་བཏུས་བྱས་པ་སྟེ། རང་ལ་དྲན་པའི་བསྐུལ་མ་དང་གཞན་མོས་ལྡན་འགའ་ཞིག་ལའང་ཕན་པའི་སྨོན་སེམས་གྱི་སྒོ་ནས་འགྲེམ་སྤེལ་ཞུས་པའོ། །

ད་དུང་བལྟ་ཀློག • Read More • 閱讀更多
Featured image for “སློབ་དཔོན་དཔའ་བོའི་གསུང་བླ་མ་ལྔ་བཅུ་པའི་འགྲེལ་པ་གཅེས་བཏུས།”

སློབ་དཔོན་དཔའ་བོའི་གསུང་བླ་མ་ལྔ་བཅུ་པའི་འགྲེལ་པ་གཅེས་བཏུས།

EPUB PDF

༈ བླ་མ་ལྔ་བཅུ་པ་ནི། བརྗོད་བྱ་གསང་སྔགས་རྡོ་རྗེ་ཐེག་པ་ལ་འཇུག་པའི་ལས་དང་པོ་པས་བླ་མ་ཇི་ལྟར་བསྙེན་པའི་ཚུལ་སྟོན་ཞིང་། རྗོད་བྱེད་ཀྱི་གཞུང་ཚད་ཤོ་ལོ་ཀ་ལྔ་བཅུ་ཡོད་པས་བླ་མ་ལྔ་བཅུ་པ་ཞེས་བྱ་བ་སྟེ། འདི་ཉིད་རྒྱ་གར་གྱི་སློབ་དཔོན་དཔའ་བོའམ་རྟ་དབྱངས་ཀྱིས་བླ་མ་ལ་མ་གུས་པའི་བཤགས་པའི་དོན་དུ་མཛད་པ་ཞིག་ཡིན་ལ། དེ་ལ་རྒྱ་བོད་ཀྱི་འགྲེལ་པ་དུ་མར་བཞུགས་པ་ལས་འདིར་༧རྒྱལ་བ་ཀཾ་ཚང་པའི་བླ་མ་དག་གིས་མཛད་པའི་འགྲེལ་པ་དག་ཕྱོགས་གཅིག་ཏུ་བསྒྲིགས་ནས་བཀོད་པ་ཞིག་ཡིན་ལགས།

ད་དུང་བལྟ་ཀློག • Read More • 閱讀更多
Featured image for “བལ་ཡུལ་མཆོད་རྟེན་རྣམ་གསུམ་གྱི་ཁུངས་བསྟན་པ།”

བལ་ཡུལ་མཆོད་རྟེན་རྣམ་གསུམ་གྱི་ཁུངས་བསྟན་པ།

EPUB PDF

“བལ་ཡུལ་མཆོད་རྟེན་རྣམ་གསུམ་གྱི་ཁུངས་བསྟན་པ་”ཞེས་པའི་ཕྱག་དཔེ་དེ་ནི་དེང་དུས་ཀྱི་མཁས་དབང་ཆབ་མདོ་ཤེས་རབ་མཆོག་གིས་བལ་ཡུལ་མཆོད་རྟེན་རྣམ་གསུམ་སྟེ་མཆོད་རྟེན་བྱ་རུང་ཁ་ཤོར་དང་། འཕགས་པ་ཤིང་ཀུན། སྟག་མོ་ལུས་སྦྱིན་སྐོར་ཡོད་པའི་སྔ་ཕྱིའི་ཕྱག་དཔེ་མང་པོ་ལ་ཞིབ་འཇུག་གང་རྒྱས་གནང་ནས་གཞུང་ཁུངས་རྣམས་ཀྱང་མཆན་གྱི་ཚུལ་དུ་ཤོག་བུའི་ཞབས་ལ་གསལ་བར་བཀོད་ནས་མཛད་པའི་ཕྱག་དཔེ་ཚིག་གོ་སླ་བ་ཅན་ཞིག་ཡིན། དེ་ཡང་མཆོད་རྟེན་རྣམ་གསུམ་སྐོར་ཤེས་འདོད་མཆིས་པའི་དོན་གཉེར་ཅན་དང་ལྷག་པར་ཞིབ་འཇུག་གནང་མཁན་རྣམས་ལ་ཁེ་ཕན་ཆེན་པོ་ཡོད་པ་མཐོང་།

ད་དུང་བལྟ་ཀློག • Read More • 閱讀更多
Featured image for “བླ་མའི་རྣལ་འབྱོར་ཐུགས་རྗེ་མྱུར་བསྐུལ།”

བླ་མའི་རྣལ་འབྱོར་ཐུགས་རྗེ་མྱུར་བསྐུལ།

EPUB PDF EPUB 🎧

དུས་གསུམ་རྒྱལ་བ་ཀུན་གྱི་ཕྲིན་ལས་ཀྱི་རང་གཟུགས་དཔལ་རྒྱལ་བའི་དབང་པོ་ཀརྨ་པ་ཨོ་རྒྱན་ཕྲིན་ལས་རྡོ་རྗེ་མཆོག་གིས་ཞིང་གཤེགས་དམ་པ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་དད་ལྡན་སློབ་བུ་རྣམས་བླ་མ་ལ་དད་པ་མོས་གུས་འཕེལ་བ་དང་། ཚོགས་བསག་སྒྲིབ་བྱང་ཆེད་དུ་དམིགས་ཏེ་བླ་མར་རྒྱང་འབོད་གདུང་དབྱངས་ཀྱི་གསོལ་འདེབས་ཐུགས་རྗེའི་མྱུར་སྐུལ་དེ་ཉིད་ལྗགས་བརྩམས་གནང་བ་ལགས།

ད་དུང་བལྟ་ཀློག • Read More • 閱讀更多
Featured image for “འབུམ་ཚོགས་སྨོན་ལམ་གྱི་འདོན་ཆ་ཕྱོགས་བསྒྲིགས།”

འབུམ་ཚོགས་སྨོན་ལམ་གྱི་འདོན་ཆ་ཕྱོགས་བསྒྲིགས།

བཀའ་བརྒྱུད་སྨོན་ལམ་ཐེངས་སོ་བརྒྱད་པར་གསུང་རྒྱུའི་ཞལ་འདོན།

EPUB PDF

བཀའ་བརྒྱུད་སྨོན་ལམ་ཚོགས་པ་ནས་༧བྱམས་མགོན་རྡོ་རྗེ་འཆང་ཀྭན་ཏིང་ཏཱ་ཡི་སི་ཏུ་རིན་པོ་ཆེ་མཆོག་བཀའ་བརྒྱུད་སྨོན་ལམ་ཐེངས་སོ་བརྒྱད་པའི་ཚོགས་མགོན་དུ་ཅི་ནས་ཀྱང་ཕེབས་གྲུབ་ཐབས་ཀྱི་ཞུ་བ་ཕུལ་བ་ལ། ཐུགས་བརྩེེ་ཟབ་མོས་ཞལ་བཞེས་གནང་བར་མ་ཟད། ད་རེས་ང་སྨོན་ལམ་ལ་ཡོང་དུས་གཙོ་བོ་བཟང་སྤྱོད་སྨོན་ལམ་འབུམ་བཅུ། དམ་ཚིག་རྡོ་རྗེའི་བཟླས་པ་དུང་གཅིག་འགྲོ་ངེས་པ་དང་། མཆོད་མེ་འབུམ་གཅིག་ཡན་ཆད། བཀའ་འགྱུར་དག་འདོན་རྣམས་བྱ་དགོས་ཞེས་བཀའ་ནན་སྩལ་བ་ལྟར། ༧རྒྱལ་དབང་མཆོག་ནས་ཀྱང་༧བྱམས་མགོན་རིན་པོ་ཆེའི་དགོངས་བཞེད་ལྟར་སྒྲུབ་དགོས་པའི་བཀའ་ཕེབས་དོན་བཞིན། ད་རེས་སྨོན་ལམ་ཆེན་མོར་གསུང་རྒྱུའི་དམིགས་གསལ་ཞལ་འདོན་གྱི་རིམ་པ་རྣམས་ཕྱོགས་བསྒྲིགས་ཀྱིས་འཕྲུལ་དེབ་ཐོག་པར་སྐྲུན་ཞུས་ཡོད།

ད་དུང་བལྟ་ཀློག • Read More • 閱讀更多
Featured image for “ཤེས་བྱ་ཀུན་ཁྱབ་མཛོད། གླེགས་བམ་བཞི་པ།”

ཤེས་བྱ་ཀུན་ཁྱབ་མཛོད། གླེགས་བམ་བཞི་པ།

གསུང་འབུམ། པོད། ཡཱ

EPUB PDF

པོད་བཞི་པ། ཡཱ༽ ༨༽ གནས་བརྒྱད་པ། ལྷག་པ་ཏིང་ངེ་འཛིན་གྱི་བསླབ་པ་རིམ་པར་ཕྱེ་བའི་ནང་གསེས་ལས། སྐབས་བཞི་པ་རྡོ་རྗེ་ཐེག་པའི་སྒོམ་རིམ་མན་ངག་གཙོ་བོར་བྱེད་པ་བྱེ་བྲག་ཏུ་བསྟན་པའི་སྐབས་དང་། ༩༽ གནས་དགུ་པ། བགྲོད་བྱ་ས་དང་ལམ་གྱི་རིམ་པར་ཕྱེ་བ་ལ་སྐབས་བཞི། ༡ རྒྱུ་མཚན་ཉིད་ཀྱི་ཐེག་པའི་ས་ལམ་རྣམ་པར་བཞག་པའི་སྐབས། ༢ འབྲས་བུ་རྡོ་རྗེ་ཐེག་པའི་ས་ལམ་རྣམ་པར་བཞག་པའི་སྐབས། ༣ ལམ་གྱི་ཡན་ལག་བོགས་འདོན་སྤྱོད་པ་རྣམ་པར་བཞག་པའི་སྐབས། ༤ སྔ་འགྱུར་ཡོ་ག་རྣམ་གསུམ་གྱི་ས་ལམ་རྣམ་པར་བཞག་པའི་སྐབས་དང་། ༡༠༽ གནས་བཅུ་པ། མཐར་ཕྱིན་འབྲས་བུའི་རང་བཞིན་རིམ་པར་ཕྱེ་བ་ལ་སྐབས་བཞི། ༡ མཚན་ཉིད་ཐེག་པའི་འབྲས་བུ་གཏན་ལ་དབབ་པའི་སྐབས། ༢ སྔགས་ཀྱི་ཐུན་མོང་གི་དངོས་གྲུབ་གཏན་ལ་དབབ་པའི་སྐབས། ༣ རྡོ་རྗེ་ཐེག་པའི་མཐར་ཐུག་གི་འབྲས་བུ་གཏན་ལ་དབབ་པའི་སྐབས། ༤ གསང་སྔགས་སྔ་འགྱུར་ལུགས་ཀྱི་འབྲས་བུ་བྱེ་བྲག་ཏུ་གཏན་ལ་དབབ་པའི་སྐབས། ཐ་མར་དགེ་བ་མཇུག་གི་དོན་དང་རྩོམ་པའི་དགོས་པ་དང་སྨོན་བྱང་བཅས་སོ།།

ད་དུང་བལྟ་ཀློག • Read More • 閱讀更多
Featured image for “ཤེས་བྱ་ཀུན་ཁྱབ་མཛོད། གླེགས་བམ་གསུམ་པ།”

ཤེས་བྱ་ཀུན་ཁྱབ་མཛོད། གླེགས་བམ་གསུམ་པ།

གསུང་འབུམ། པོད། མཱ

EPUB PDF

པོད་གསུམ་པ། མཱ༽ ༦༽ གནས་དྲུག་པ། ཐོས་པའི་རིམ་པར་ཕྱེ་བའི་ནང་གསེས་ལས། སྐབས་བཞི་པ་གསང་སྔགས་རྡོ་རྗེ་ཐེག་པ་རྣམ་པར་བཞག་པའི་སྐབས་དང་། ༧༽ གནས་བདུན་པ། ལྷག་པ་ཤེས་རབ་ཀྱི་བསླབ་པ་རིམ་པར་ཕྱེ་བ་ལ་སྐབས་བཞི། ༡ འཇལ་བྱེད་ཀྱི་ལྡེའུ་མིག་རྣམ་པར་ངེས་པའི་སྐབས། ༢ འཁོར་ལོ་གསུམ་གྱི་དྲང་ངེས་དང་བདེན་གཉིས་རྟེན་འབྲེལ་རྣམ་པར་ངེས་པའི་སྐབས། ༣ གཙོ་བོ་ལྟ་བ་རྣམ་པར་ངེས་པའི་སྐབས། ༤ བློ་ལྡོག་རྣམ་བཞི་རྣམ་པར་ངེས་པའི་སྐབས། ༨༽ གནས་བརྒྱད་པ། ལྷག་པ་ཏིང་ངེ་འཛིན་གྱི་བསླབ་པ་རིམ་པར་ཕྱེ་བ་ལ་སྐབས་བཞི། ༡ ཏིང་ངེ་འཛིན་ཀུན་གྱི་སྤྱི་གཞི་ཞི་ལྷག་གི་སྒོམ་རིམ་བསྟན་པའི་སྐབས། ༢ རྒྱུ་མཚན་ཉིད་ཀྱི་ཐེག་པའི་སྒོམ་རིམ་བྱེ་བྲག་ཏུ་བསྟན་པའི་སྐབས། ༣ གསང་སྔགས་རྡོ་རྗེ་ཐེག་པའི་སྒོམ་རིམ་རྒྱུད་གཙོ་བོར་བྱེད་པ་སྤྱིར་བསྟན་པའི་སྐབས་བཅས་སོ། །

ད་དུང་བལྟ་ཀློག • Read More • 閱讀更多
Featured image for “ཕྱག་ཆེན་གངྒཱ་མའི་བཀའ་ཁྲིད་གངྒཱའི་ཆུ་རྒྱུན།”

ཕྱག་ཆེན་གངྒཱ་མའི་བཀའ་ཁྲིད་གངྒཱའི་ཆུ་རྒྱུན།

EPUB PDF

༧དཔལ་རྒྱལ་བའི་དབང་པོ་སངས་རྒྱས་ཀརྨ་པ་རྗེ་བཅུ་བདུན་པ་ཆེན་པོ་མཆོག་གིས། ༧སྐྱབས་རྗེ་གྲུབ་དབང་སངས་རྒྱས་མཉན་པ་རིན་པོ་ཆེ་མཆོག་ལ་བཀའ་སྩལ་སྤྱི་བོར་ཕེབས་པ་བཞིན། གནས་མཆོག་རྡོ་རྗེ་གདན་དུ་འགྲོ་མགོན་བཀའ་བརྒྱུད་སྨོན་ལམ་ཆེན་མོ་སྐབས་སོ་དྲུག་པའི་སྔོན་འགྲོའི་གསུང་ཆོས་ཉིན་གསུམ་གྱི་རིང་། ཕྱག་ཆེན་གངྒཱ་མའི་བཀའ་ཁྲིད་ཟབ་ཅིང་རྒྱས་པ་སྩལ་གནང་པ་དེ་དང་། ལོ་མང་སྔོན་ཐེ་ཝན་མཚོ་གླིང་དུ་དད་ལྡན་སློབ་ཚོགས་རྣམས་ལ་གནང་བའི་གངྒཱ་མའི་བཀའ་ཆོས་བསྡུས་པ་ཞིག་བཅས་བཞུགས་པ་ཡི་གེར་ཕབ་ཅིང་ཞུས་ཏེ། བཀའ་ཁྲིད་སྔ་ཕྱི་གཉིས་ལ་རིམ་པ་བཞིན་དུ།《གངྒཱའི་ཆུ་རྒྱུན།》ཞེས་དང་།《མེས་པོའི་ཞལ་ལུང་།》ཞེས་པའི་མཚན་གསོལ་ཏེ་དཀྱུས་གཅིག་ཏུ་བསྒྲིགས་ནས་བཀོད་པ་ཞིག་ཡིན།

ད་དུང་བལྟ་ཀློག • Read More • 閱讀更多
Featured image for “ཤེས་བྱ་ཀུན་ཁྱབ་མཛོད། གླེགས་བམ་གཉིས་པ།”

ཤེས་བྱ་ཀུན་ཁྱབ་མཛོད། གླེགས་བམ་གཉིས་པ།

གསུང་འབུམ། པོད། ཝཾ

EPUB PDF

པོད་གཉིས་པ། ཝཾ༽ ༥༽ གནས་ལྔ་པ། ལྷག་པ་ཚུལ་ཁྲིམས་ཀྱི་བསླབ་པའི་རིམ་པར་ཕྱེ་བ་ལ་སྐབས་བཞི། ༡ སློབ་དཔོན་དང་སློབ་མའི་མཚན་ཉིད། བསྟེན་ཚུལ། འཆད་ཉན་བཅས་བཤད་པའི་སྐབས། ༢ སོ་ཐར་གྱི་སྡོམ་པ་རབ་ཏུ་དབྱེ་བའི་སྐབས། ༣ བྱང་སེམས་ཀྱི་བསླབ་པ་བརྗོད་པའི་སྐབས། ༤ རིག་འཛིན་གྱི་སྡོམ་པ་སྤྱིར་བཤད་པ་དང་བཅས་པའི་སྐབས་དང་། ༦༽ གནས་དྲུག་པ། ཐོས་པའི་རིམ་པར་ཕྱེ་བ་ལ་སྐབས་བཞི་ལས། ༡ ཐུན་མོང་རིག་པའི་གནས་རྣམས་དང་འཇིག་རྟེན་པའི་ལམ་རྣམ་པར་བཞག་པའི་སྐབས། ༢ ཐེག་པ་ཆེ་ཆུང་ཤེས་བྱ་སྤྱིའི་གནས་རྣམ་པར་བཞག་པའི་སྐབས། ༣ རྒྱུ་མཚན་ཉིད་ཀྱི་ཐེག་པ་རྣམ་པར་བཞག་པའི་སྐབས་བཅས་སོ། །

ད་དུང་བལྟ་ཀློག • Read More • 閱讀更多
Featured image for “ཤེས་བྱ་ཀུན་ཁྱབ་མཛོད། གླེགས་བམ་དང་པོ།”

ཤེས་བྱ་ཀུན་ཁྱབ་མཛོད། གླེགས་བམ་དང་པོ།

གསུང་འབུམ། པོད། ཨེ

EPUB PDF

པོད་དང་པོ། ཨེ༽ ༡༽ གནས་དང་པོ། གདུལ་ཞིང་སྣོད་བཅུད་ཀྱི་འཇིག་རྟེན་རིམ་པར་ཕྱེ་བ་ལ་སྐབས་བཞི། ༡ ཞིང་ཁམས་སྤྱིར་བསྟན་པ་ཐེག་པ་ཆེན་པོའི་ལུགས་ལྟར་བརྗོད་པའི་སྐབས། ༢ འཇིག་རྟེན་བྱེ་བྲག་ཏུ་བསྟན་པ་ཐེག་དམན་དང་ཐུན་མོང་དུ་བརྗོད་པའི་སྐབས། ༣ དུས་ཀྱི་འཁོར་ལོའི་ལུགས་དམིགས་སུ་བསལ་བ་དང་འཇལ་བྱེད་ཀྱི་ཚད་བརྗོད་པའི་སྐབས། ༤ འཁོར་བ་འགྲུབ་བྱེད་ཀྱི་རྒྱུ་རྐྱེན་བསྟན་པའི་སྐབས་དང་། ༢༽ གནས་གཉིས་པ། འདུལ་བྱེད་སྟོན་པ་བྱོན་ཚུལ་རིམ་པར་ཕྱེ་བ་ལ་སྐབས་བཞི། ༡ སྟོན་པ་ཉིད་སྔོན་བྱང་ཆུབ་ཏུ་ཇི་ལྟར་གཤེགས་པའི་སྐབས། ༢ སྟོན་པ་མངོན་པར་རྫོགས་པར་འཚང་རྒྱ་བའི་བཞེད་པ་ཐ་དད་པའི་སྐབས། ༣ སྤྲུལ་པའི་སྐུས་ཞིང་འདིར་མཛད་པ་བཅུ་གཉིས་བསྟན་པའི་སྐབས། ༤ འོད་གསལ་རྡོ་རྗེ་རྩེ་མོའི་ལུགས་ཀྱི་སྐུ་དང་ཞིང་ཁམས་ཁྱད་པར་དུ་ཕྱེ་བའི་སྐབས་དང་། ༣༽ གནས་གསུམ་པ། བསྟན་པ་དམ་པའི་ཆོས་ཀྱི་རིམ་པར་ཕྱེ་བ་ལ་སྐབས་བཞི། ༡ བསྟན་པ་དམ་པའི་ཆོས་ངོས་བཟུང་བ། ༢ ལུང་གི་ཆོས་བྱེ་བྲག་ཏུ་དབྱེ་བའི་སྐབས། ༣ བཀའ་ཡི་བསྡུ་བ་རྣམས་བཤད་པའི་སྐབས། ༤ སྔ་འགྱུར་རྙིང་མའི་བབ་ལུགས་བཤད་པའི་སྐབས་དང་། ༤༽ གནས་བཞི་པ། རྒྱལ་བསྟན་འཛམ་བུའི་གླིང་དུ་ཇི་ལྟར་དར་བའི་རིམ་པར་ཕྱེ་བ་ལ་སྐབས་བཞི། ༡ བསྟན་པ་འཕགས་པའི་ཡུལ་དུ་ཇི་ལྟར་དར་བའི་སྐབས། ༢ གངས་ཅན་ལྗོངས་སུ་བསྟན་རྩ་འདུལ་བ་དང་བཤད་རྒྱུན་གྱི་བྱུང་བ་བརྗོད་པའི་སྐབས། ༣ སྒྲུབ་བརྒྱུད་ཤིང་རྟ་རྣམས་ཀྱི་བྱུང་བ་བརྗོད་པའི་སྐབས། ༤ རིག་གནས་ཞར་བྱུང་དང་བཅས་པའི་བྱུང་བ་བརྗོད་པའི་སྐབས་བཅས་སོ།

ད་དུང་བལྟ་ཀློག • Read More • 閱讀更多
Featured image for “ཨ་ཕོ་དགའ་དགའི་ངོ་མཚར་བའི་མཛད་རྣམ།”

ཨ་ཕོ་དགའ་དགའི་ངོ་མཚར་བའི་མཛད་རྣམ།

PDF

ཨ་ཕོ་དགའ་དགའི་རྣམ་ཐར་འདི་ནི་ང་ཁོང་ལ་དད་འདུན་ཆེ་དྲག་པས་དག་སྣང་རིང་ལུགས་སུ་བྲིས་པ་མིན་པར། ཁོང་སྐུ་འཁྲུངས་སྐབས་སོགས་ལ་དངོས་བྱུང་ངོ་མཚར་བའི་ལོ་རྒྱུས་མང་དྲག་པས་དངོས་སྣང་རིང་ལུགས་སུ་བྲིས་པ་ཞིག་ཡིན། མཛད་རྣམ་འདི་བྲི་སྐབས་ཨ་ཕོ་དགའ་དགའ་ཁོང་མ་ཡུམ་གྱི་སྐུ་ལ་ཚུར་ཕེབས་པ་ནས་བཟུང་གདན་ས་མཚུར་ཕུ་རུ་མ་ཕེབས་བར་གྱི་ངོ་མཚར་བའི་མཛད་རྣམ་ཞིག་ཡིན་ཞིང་། ཡབ་ཡུམ་སྐུ་མཆེད་དང་ཡུལ་མི་རྣམས་ལ་བཅར་འདྲི་བྱས་ནས་ཁོང་རྣམ་པས་ཇི་ལྟར་གསུངས་པ་བཞིན་ཡུལ་སྐད་རང་གི་ཐོག་ནས་བྲིས་ཤིང་གོ་དཀའ་བ་རྣམས་ལ་མཆན་བཀོད་པ་ཡིན། ཡུལ་སྐད་ཀྱི་ཐོག་ནས་བྲིས་པས་ཅུང་གོ་དཀའ་བར་སྣང་ནའང་། ཁོང་རྣམ་པར་བཅར་འདྲི་བྱེད་སྐབས་ཀྱི་གསོན་ཉམས་ལྡན་པའི་སྐད་ཆ་འདི་དག་ལ་རང་བཟོས་བཅོས་སུ་མ་བཟོད་པས་ཐད་ཀར་ཡུལ་སྐད་ཀྱི་ཐོག་ནས་བྲིས་པ་ཡིན་པས་དུས་རབས་ཉེར་གཅིག་གི་སྐབས་སུ་ཕ་ཡུལ་གྱི་སྐད་གཤིས་ཇི་ལྟར་ཡོད་པ་མ་འོངས་པའི་ལྷ་ཐོག་གི་མི་རབས་རྗེས་མ་དག་ལ་དྲན་གསོ་དང་། ད་སྐབས་འཛམ་གླིང་གང་སར་གནས་པའི་ཨ་ཕོ་དགའ་དགའ་ལ་དད་འདུན་ཅན་རྣམས་ཀྱི་མིག་སྔར་ཁོང་འཁྲུངས་ཡུལ་གྱི་ཡུལ་སྐད་ཇི་ལྟར་ཡིན་པ་ཤེས་པའི་དགོས་པའང་ཡོད་པར་འདོད། ཞོར་དུ་ལོ་རྒྱུས་འདིའི་ནང་གི་ལྷ་ཐོག་དགོན་དང་དཀར་ལེགས་དགོན་ནི་དགོན་པ་གཅིག་ཡིན་པར་ཤེས་དགོས།

ད་དུང་བལྟ་ཀློག • Read More • 閱讀更多
Featured image for “༸སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་ཞལ་གདམས་གཅེས་བཏུས།”

༸སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་ཞལ་གདམས་གཅེས་བཏུས།

EPUB PDF

༧སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་ཞལ་གདམས་གཅེས་བཏུས་ཞེས་པ་འདི་ནི། མཁན་ཆེན་རིན་པོ་ཆེ་ཉིད་ཀྱིས་མཛད་གནང་བའི་གསུང་རྩོམ་རྒྱ་མཚོ་ལྟ་བུ་ལས་གདམས་པ་གང་གཅེས་གཅེས་རྣམས་ཕྱོགས་གཅིག་ཏུ་བསྒྲིགས་པ་ཡིན། གཞུང་རྒྱ་ཆེ་བར་ལྟ་ཀློག་མ་ཁོམ་པ་རྣམས་ལ། ཚིག་ཉུང་ལ་གནད་བསྡུས་པ། དོན་གོ་སླ་བ། ཆོད་ཆེ་བ་གདམས་ངག་ཞག་སུམ་བརྒྱ་དྲུག་ཅུ་རེ་ལྔའི་གྲངས་དང་ལྡན་པ། ཉིན་མ་རེར་གདམས་པ་རེ་ཐུགས་ལ་བཟུང་ནས་ལག་ཏུ་ལེན་ཐུབ་པ་བྱུང་ན་ཕན་ཐོག་ཤིན་ཏུ་ཆེ།

ད་དུང་བལྟ་ཀློག • Read More • 閱讀更多
Featured image for “ཟབ་ཏིག་སྒྲོལ་མ་མཎྜལ།”

ཟབ་ཏིག་སྒྲོལ་མ་མཎྜལ།

EPUB 🎧 PDF 🎧

དགོངས་གཏེར་སྒྲོལ་མའི་ཟབ་ཏིག་ལས་མཎྜལ་ཆོ་ག་ཚོགས་གཉིས་སྙིང་པོ། འདིའི་ནང་ཚིག་བདུན་གསོལ་འདེབས་དང་ཕྱག་འཚལ་ཉེར་གཅིག་གི་བསྟོད་པ་རྒྱལ་དབང་བཅུ་བདུན་པའི་ཞལ་གསུང་མ་ཡོད།

ད་དུང་བལྟ་ཀློག • Read More • 閱讀更多
Featured image for “ཕྱག་ཆེན་རྒྱ་གཞུང་གི་སྨིན་གྲོལ་ཐོབ་ཡིག །”

ཕྱག་ཆེན་རྒྱ་གཞུང་གི་སྨིན་གྲོལ་ཐོབ་ཡིག །

EPUB PDF

བཀའ་བརྒྱུད་པའི་ལྟ་བ་ཕྱག་རྒྱ་ཆེན་པོ་ནི། འཕགས་ཡུལ་གྲུབ་ཆེན་རྣམས་ཀྱི་དགོངས་པ་ཡིན་ཅིང་། གྲུབ་ཆེན་སོ་སོའི་ལྟ་བ་དང་རྟོགས་པ་ནི་དོ་ཧ་རྡོ་རྗེའི་མགུར་སོགས་སུ་གསལ་ནས་ཡོད་པས། ཀརྨ་པ་ཆོས་གྲགས་རྒྱ་མཚོས། ཕྱག་ཆེན་རྒྱ་གཞུང་ཕྱོགས་བསྒྲིགས་བགྱིས་པ་རེད། ཕྱག་ཆེན་རྒྱ་གཞུང་ལ་ཐོས་བསམ་བསྒོམ་པ་བྱ་བའི་ཐོག་མར། བླ་མ་བརྒྱུད་པའི་རིམ་པ་ལས་བྱུང་བའི་སྨིན་གྲོལ་རྣམས་ཐོབ་དགོས། འདིར་ནི་དྲུང་གོ་ཤྲི་རྒྱལ་ཚབ་རིན་པོ་ཆེས་བླ་མ་གོང་མའི་ཕྱག་བཞེས་ཇི་ལྟ་བ་བཞིན་གནང་བ་གསལ་བར་འཁོད་ཡོད་པས་ན། ཕྱི་རབས་པ་རྣམས་ལ་གོང་མའི་ཕྱག་ལེན་ཤེས་པའི་མིག་ཏུ་འགྱུར་ངེས་པ་ཡིན་ནོ། །

ད་དུང་བལྟ་ཀློག • Read More • 閱讀更多
Featured image for “རླངས་འཁོོར་བྱིིན་རློབས་ཀྱིི་ཆོོ་ག །”

རླངས་འཁོོར་བྱིིན་རློབས་ཀྱིི་ཆོོ་ག །

PDF

དེེང་སང་གིི་ཉེེར་སྤྱོོད་རླངས་འཁོོར་ནི། ཚེེ་སྲོོག་དང་ཐད་ཀར་འབྲེེལ་བ་ཡོོད་པ་ཡིན་ཕྱིིར། དཀོན་མཆོོག་གིིས་བྱིིན་གྱིིས་བརླབས་ཏེེ། ཚེེ་རིང་ནད་མེད་ཡོོང་བའི་སྨོོན་ལམ་བཏབ་ན། བསམ་དེོན་ཡིད་བཞིིན་འགྲུབ་པར་འགྱུར་རོ། །

ད་དུང་བལྟ་ཀློག • Read More • 閱讀更多
Featured image for “རྡོ་རྗེ་འཆང་ཐུང་མའི་འགྲེལ་པ།”

རྡོ་རྗེ་འཆང་ཐུང་མའི་འགྲེལ་པ།

EPUB PDF

རྡོ་རྗེ་འཆང་ཐུང་མ་ཞེས་གྲགས་པ་ནི་ཀུན་མཁྱེན་བན་སྒར་བ་འཇམ་དཔལ་བཟང་པོས་མཛད་ཅིང་། སྒྲུབ་བརྒྱུད་ཀརྨ་ཀམ་ཚང་གི་དོན་བརྒྱུད་ཀྱི་གསོལ་འདེབས་གྲགས་ཆེ་ཤོས་དེ་ཡིན། དེ་ལ་གནའ་དེང་གི་མཁས་པ་རྣམས་ཀྱིས་མཛད་པ་དང་གསུངས་པའི་འགྲེལ་པ་མི་ཉུང་བ་བཞུགས་པ་ལས། འདིར་སྐྱོ་བྲག་མཁན་པོ་དགའ་དབང་གིས་མཛད་པའི་འགྲེལ་པ་ཉམས་ལེན་མ་ནི་བཀའ་བརྒྱུད་པའི་ལུགས་ཀྱི་སྒོམ་གྱི་དཀའ་གནད་མང་པོ་ཞིག་གསལ་བ་དང་། འདན་མ་ལེགས་མཐོང་རྣམ་རྒྱལ་ལམ་རྩིས་ཆེ་ལེགས་མཐོང་གིས་མཛད་པའི་བན་སྒར་ཆོས་བཞི་ནི་དེང་རབས་ཀྱི་མིའི་སེམས་ཁམས་དང་འཚམས་པོ་ཡོད་པ་དེས་ད་རེས་འགྲེལ་པ་གཉིས་པོ་འཕྲུལ་དེབ་ཏུ་བཟོས་ནས་སྤེལ་ཡོད།

ད་དུང་བལྟ་ཀློག • Read More • 閱讀更多
Featured image for “གྲུབ་མཐའ་དྭགས་བརྒྱུད་མཛེས་རྒྱན། བྱེ་མདོ་གཉིས་ཀྱི་སྐོར།”

གྲུབ་མཐའ་དྭགས་བརྒྱུད་མཛེས་རྒྱན། བྱེ་མདོ་གཉིས་ཀྱི་སྐོར།

EPUB PDF

དཔལ་༧རྒྱལ་དབང་ཀརྨ་པ་མཆོག་གི་བཀའ་དགོངས་ལམ་སྟོན་འོག་བཀའ་བརྒྱུད་དགུན་ཆོས་ཡིག་ཆ་ཕྱོགས་སྒྲིག་ཚོགས་པས། གྲུབ་མཐའ་དྭགས་བརྒྱུད་མཛེས་རྒྱན་ལས་བྱེ་མདོ་གཉིས་ཀྱི་སྐོར། བྱེ་བྲག་སྨྲ་བ་དང་མདོ་སྡེ་པའི་གྲུབ་མཐའི་རྣམ་གཞག་ཕྱོགས་སྒྲིག་གནང་བ་དེ་ཉིད་ད་ལམ་འཕྲུལ་དེབ་ཐོག་པར་སྐྲུན་ཞུས་པ་ཡིན།

ད་དུང་བལྟ་ཀློག • Read More • 閱讀更多
Featured image for “ཐུབ་པའི་རྒྱུན་ཁྱེར་པདྨའི་སྙིང་པོ།”

ཐུབ་པའི་རྒྱུན་ཁྱེར་པདྨའི་སྙིང་པོ།

PDF JPG

ཇོ་བོ་བཀའ་གདམས་པའི་ཐུགས་དམ་ལྷ་བཞིའི་གྲས་སུ་གཏོགས་པ། སྟོན་པ་ཐུབ་པའི་དབང་པོའི་སྒྲུབ་ཐབས་དཔལ་གྱི་སྙིང་པོ་ལས། རྒྱུན་དུ་ཉམས་ལེན་བྱེད་བདེ་བའི་ཆོ་ག་བསྡུས་པ་འདི་དོན་གཉེར་ཅན་འགས་བསྐུལ་མ་ཞུས་དོན་ལྟར་རྒྱལ་དབང་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེ་མཆོག་ནས་ལྗགས་རྩོམ་མཛད་པ་ཞིག་ཡིན།

ད་དུང་བལྟ་ཀློག • Read More • 閱讀更多
Featured image for “ཐུབ་ཆོག་དཔལ་གྱི་སྙིང་པོ་དང་ཐུབ་བསྟོད།”

ཐུབ་ཆོག་དཔལ་གྱི་སྙིང་པོ་དང་ཐུབ་བསྟོད།

EPUB PDF

ཇོ་བོ་བཀའ་གདམས་པའི་ཐུགས་དམ་ལྷ་བཞིའི་གྲས་སུ་གཏོགས་པ། སྟོན་པ་ཐུབ་པའི་དབང་པོའི་སྒྲུབ་ཐབས་དཔལ་གྱི་སྙིང་པོ་དང་། ཐུབ་བསྟོད་ཚོགས་གཉིས་གཏེར་ཆེན་ཞེས་པ་འདི་གཉིས། སྤྱི་ལོ་ ༢༠༢༡ ལོར་མར་རྔོག་དབྱར་ཆོས་ཆེན་མོ་ཐོག་མར་ཚོགས་སྐབས། རྒྱལ་དབང་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེ་མཆོག་ནས་ཆོ་གའི་ས་བོན་ཙམ་མཛད་པ་དེའི་སྟེང་དུ། ད་ལོའི་མར་རྔོག་དབྱར་ཆོས་ཆེན་མོའི་བར་གསེང་རྣམས་སུ་རྒྱལ་དབང་མཆོག་ནས་ཆོ་ག་ཆ་ཚང་བ་རྩོམ་སྒྲིག་བཀའ་དྲིན་བསྐྱངས་ཡོད་ཅིང་། ཐུབ་ཆོག་འདི་ལ་སྔོན་འགྲོ་དང་དངོས་གཞིའི་ཉམས་ལེན་ཐམས་ཅད་ཚང་ཞིང་། དམིགས་རིམ་རྣམས་ཀྱང་ཡིག་ཆུང་དུ་གསལ་བར་མཛད་ཡོད། བསྟོད་པ་ཚོགས་གཉིས་གཏེར་ཆེན་ནི་སློབ་དཔོན་མཱ་ཏྲྀ་ཙེ་ཊའམ་མ་ཁོལ་གྱིས་མཛད་པའི་བསྟོད་པ་བརྒྱ་ལྔ་བཅུ་པའི་དོན་བསྡུས་ལྟ་བུ་ཡིན་ལ། བརྗོད་བྱ་རྗོད་བྱེད་རྣམས་ཀྱང་གོ་སླ་བ་གཙོར་འདོན་གནང་འདུག་པས་གཞན་དང་མི་འདྲ་བའི་ཁྱད་ཆོས་ལྡན་ཡོད། ད་རེས་དམ་ཆོས་བང་མཛོད་ནས་རྒྱལ་དབང་མཆོག་གི་བཀའ་དགོངས་ལྟར་ཐུབ་ཆོག་དང་ཐུབ་བསྟོད་སྦྲགས་མ་འདི་ཉིད་འཕྲུལ་དེབ་ཏུ་པར་བསྐྲུན་ཞུས་པ་ཡིན།

ད་དུང་བལྟ་ཀློག • Read More • 閱讀更多
Featured image for “ཆོས་ཀྱི་སྙན་གྲགས། • The Glory of Dharma”

ཆོས་ཀྱི་སྙན་གྲགས། • The Glory of Dharma

༧སྐྱབས་རྗེ་མཁན་ཆེན་ཁྲ་འགུ་རིན་པོ་ཆེའི་སྐུ་ཕྲེང་རིམ་བྱོན་གྱི་མཛད་རྣམ་རགས་བསྡུས།
Brief Accounts of the Lives and Deeds of the Incarnations of the Lord of Refuge Thrangu Rinpoche

PDF

སྒྲུབ་བརྒྱུད་བསྟན་པའི་མཛེས་རྒྱན་༧སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེ་མཆོག་འགྲོ་བ་སེམས་ཅན་གྱི་དོན་དུ་ད་བར་སྐུའི་འཕྲེང་བ་རིམ་པ་དགུ་བར་བྱོན་ཡོད། དེ་བས་མགོན་གང་གི་རྣམ་ཐར་རྗེས་དྲན་སླད་གདུང་སྲས་བླ་མ་པདྨ་མཆོག་གིས་བརྙན་དེབ་འདིར་༧སྐྱབས་རྗེ་ཁྲ་འགུ་རིན་པོ་ཆེའི་སྐུ་འཕྲེང་རིམ་བྱོན་གྱི་རྣམ་ཐར་སྐུ་ཐང་དང་བཅས་པ་མདོར་བསྡུས་བཀོད་ཡོད་པ་དང་ལྷག་པར་དུ་ཁྲ་འགུ་སྐུ་འཕྲེང་དགུ་པ་ཀརྨ་བློ་གྲོས་རིང་ལུགས་སྨྲ་བའི་སེང་གེ་མཆོག་གི་ཞལ་པར་མང་དག་ཅིག་ཕྱོགས་བསྒྲིགས་བྱས་ཡོད།

ད་དུང་བལྟ་ཀློག • Read More • 閱讀更多
Featured image for “དྭགས་པོའི་བླ་རྣལ་དང་ཚོགས་མཆོད།”

དྭགས་པོའི་བླ་རྣལ་དང་ཚོགས་མཆོད།

EPUB PDF

མཉམ་མེད་དྭགས་པོ་བཀའ་བརྒྱུད་ཀྱི་བསྟན་པའི་སྲོལ་འབྱེད་ཆེན་མོ། ཆོས་རྒྱལ་དྭགས་པོ་ལྷ་རྗེའི་བླ་སྒྲུབ་འདི་ནི་མཁན་ཆེན་ཟླ་བཟང་སྐུ་ཕྲེང་དང་པོ། ངེས་དོན་བསྟན་པ་རབ་རྒྱས་ཀྱི་དག་སྣང་ལས་བྱུང་བའི་དགོངས་པ་གཞིར་བཞག །འཇམ་མགོན་ཀོང་སྤྲུལ་བློ་གྲོས་མཐའ་ཡས་ཀྱིས་རྒྱས་བསྡུས་འཚམས་པའི་ཕྱོགས་བསྒྲིགས་མཛད་པ་ཡིན་ལ། ལྷན་ཐབས་ཚོགས་མཆོད་དེ་ནི་ཀརྨ་ཆགས་མེད་སྐུ་ཕྲེང་ལྔ་པས་མཛད་པ་ཡིན། ད་རེས་ 2022 ལོའི་མར་རྔོག་དབྱར་ཆོས་ཆེན་མོ་དེ་དྭགས་པོ་རིན་པོ་ཆེའི་དུས་མཆོད་དང་སྟབས་འགྲིག་པས། རྒྱལ་དབང་བཅུ་བདུན་པ་ཆེན་པོས་རྒྱ་བལ་འབྲུག་གསུམ་གྱི་ཀར་དགོན་རྣམས་ནས་བླ་སྒྲུབ་འདི་ཉིད་ཀྱི་སྒོ་ནས་ཚོགས་མཆོད་འབུལ་དགོས་པའི་བཀའ་ཕེབས་དོན་ལྟར། གུས་འབངས་དམ་ཆོས་བང་མཛོད་ནས་སྒྲུབ་པའི་མཆོད་པར་དམིགས་ཏེ་འཕྲུལ་དེབ་ཏུ་པར་སྐྲུན་ཞུས་པ་དགེའོ། །

ད་དུང་བལྟ་ཀློག • Read More • 閱讀更多
Featured image for “བླ་མའི་རྣལ་འབྱོར་བྱིན་རླབས་ཆར་རྒྱུན།”

བླ་མའི་རྣལ་འབྱོར་བྱིན་རླབས་ཆར་རྒྱུན།

EPUB PDF PDF PECHA

བླ་སྒྲུབ་འདི་ནི་ཐོག་མར་མཚུར་གྲྭ་ལྷ་ཕྲུག་ནས་བསྐུལ་མ་ཞུས་པ་དང་། དེ་རྗེས་དཔལ་ལྡན་དུས་གསུམ་མཁྱེན་པ་སྐུ་བལྟམས་ནས་ལོ་ངོ་དགུ་བརྒྱ་འཁོར་བའི་དུས་དྲན་ཀྱི་ཉེེར་མཁོའི་སླད། ཀཾ་ཚང་དགོན་སྡེ་སྤྱི་མགྲིན་ནས་གསོལ་འདེབས་ཞུས་དོན་ལྟར། རྒྱལ་དབང་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེས་ལྗགས་རྩོམ་མཛད་པ་ཡིན། དེའང་བླ་སྒྲུབ་འདིའི་མཛད་བྱང་དུ་རྒྱལ་དབང་མཆོག་ནས་ “དམ་པ་གོང་མ་རྣམས་ཀྱི་གསུང་དཀྱུས་སུ་བྱས་ཤིང་། ལྷན་ཐབས་རྣམས་ཀྱང་སྐྱབས་རྗེ་ཡབ་སྲས་རྣམས་ཀྱིས་ལྗགས་རྩོམ་ལྷད་མེད་པས་བརྒྱན་ཏེ་ཡིག་ཆུང་ཕྲན་བུ་དང་སྡོམ་གསུམ་བསྔོ་བགྲང་ཙམ་ལས་བདག་རང་གི་རྨོངས་རྩོམ་བགྱི་བ་ཆེས་ཉུང་བར་བགྱིས་ཏེ་བཀུར་བསྟི་བགྱིད་པ་ལགས་” ཞེས་གསུངས་པ་ལྟར་རྒྱལ་བ་ཡབ་སྲས་རྣམས་ཀྱི་གསུང་དྲི་མ་མེད་པ་རྣམས་གཅིག་ཏུ་བསྡུས་པའི་བླ་སྒྲུབ་གཞན་ལས་ཁྱད་པར་དུ་འཕགས་པ། དཔལ་ལྡན་དུས་གསུམ་མཁྱེན་པའི་དུས་མཆོད་ནམ་ཡིན་ལ་འདོན་ན་བྱིན་རླབས་ཆེ་བ་ཞིག་ཡིན་ནོ། །

ད་དུང་བལྟ་ཀློག • Read More • 閱讀更多
Featured image for “གུ་རུ་ཆོས་ཀྱི་དབང་ཕྱུག་གི་རང་རྣམ་དང་ཞལ་གདམས།”

གུ་རུ་ཆོས་ཀྱི་དབང་ཕྱུག་གི་རང་རྣམ་དང་ཞལ་གདམས།

སྟོད་ཆ། བར་ཆ། སྨད་ཆ།

EPUB 1 EPUB 2 EPUB 3 PDF 1 PDF 2 PDF 3

གཏེར་སྟོན་རྒྱལ་པོ་ལྔ་དང་མཆོག་གི་སྤྲུལ་སྐུ་གསུམ་དུ་གྲགས་པའི་ཡ་གྱལ་ཐེག་ཆེན་གསང་སྔགས་ཀྱི་གཏེར་སྟོན་ཆེན་མོ་གུ་རུ་ཆོས་དབང་ནི་། ཡབ་སྔགས་འཆང་སྤང་སྟོན་གྲུབ་པའི་སྙིང་པོ་དང་ཡུམ་དཀར་བཟའ་མགོན་སྐྱིད་གཉིས་ཀྱི་སྲིས་སུ་སྤྱི་ལོ་ ༡༢༡༢ ལོར་ལྷོ་བྲག་ལ་ཡག་ཏུ་འཁྲུངས་པ་ཡིན། གདུང་སྲས་བླ་མ་པདྨ་ཚེ་དབང་རིན་པོ་ཆེས་ཕྱོགས་སྒྲིག་བྱས་པའི་གཏེར་སྟོན་གུ་རུ་ཆོས་ཀྱི་དབང་ཕྱུག་གི་རང་རྣམ་དང་ཞལ་གདམས་ཞེས་པའི་དེབ་ཕྲེང་གསུམ་གྱི་སྟོད་ཆར་གུ་རུ་ཆོས་དབང་གི་སྐུའི་རྣམ་ཐར་སྐབས་བརྒྱད་མ་དང་གསུང་གི་རྣམ་ཐར། སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་ཐར། གུ་རུ་ཆོས་དབང་གི་རྣམ་ཐར་བཀའ་རྒྱ་བརྒྱད་མ་བཅས་ཡོད། དེབ་ཕྲེར་གཉིས་པར་གུ་རུ་ཆོས་དབང་གི་རྣམ་ཐར་རྣལ་ལམ་མ་དང་། ཞལ་གདམས། བསླབ་བྱ། མགུར་མ། སྨོན་ལམ་སོགས་ཕྱོགས་བསྒྲིགས་བྱས་ཡོད། དེབ་ཕྲེང་གསུམ་པར་གཏེར་ཁ་བཅོ་བརྒྱད་ཀྱི་རྣམ་གྲངས་གསལ་བའི་རྣམ་ཐར་དང་། ཆོས་དབང་གི་སྒྲུབ་ཐབས། སྤྲིང་ཡིག ཞུ་ལན། གཟུགས་སྔགས་ཟབ་མོ་རྣམས་ཕྱོགས་སྒྲིག་བྱས་ཡོད་པས་ཀུན་གྱི་གཟིགས་པར་འཚལ།

ད་དུང་བལྟ་ཀློག • Read More • 閱讀更多
Featured image for “སེམས་ཙམ་པའི་ལྟ་གྲུབ་ཉི་ཤུ་པའི་འགྲེལ་པ་སེམས་ཙམ་འཇུག་ངོགས།”

སེམས་ཙམ་པའི་ལྟ་གྲུབ་ཉི་ཤུ་པའི་འགྲེལ་པ་སེམས་ཙམ་འཇུག་ངོགས།

Featured image for “གྲུབ་ཆེན་བདེ་ཆེན་རང་གྲོལ་གྱི་བླ་མའི་རྣལ་འབྱོར་དང་ཞལ་གདམས་གཅེས་བཏུས།”

གྲུབ་ཆེན་བདེ་ཆེན་རང་གྲོལ་གྱི་བླ་མའི་རྣལ་འབྱོར་དང་ཞལ་གདམས་གཅེས་བཏུས།

Featured image for “སློབ་དཔོན་དཔའ་བོའི་གསུང་བླ་མ་ལྔ་བཅུ་པའི་འགྲེལ་པ་གཅེས་བཏུས།”

སློབ་དཔོན་དཔའ་བོའི་གསུང་བླ་མ་ལྔ་བཅུ་པའི་འགྲེལ་པ་གཅེས་བཏུས།

Featured image for “བལ་ཡུལ་མཆོད་རྟེན་རྣམ་གསུམ་གྱི་ཁུངས་བསྟན་པ།”

བལ་ཡུལ་མཆོད་རྟེན་རྣམ་གསུམ་གྱི་ཁུངས་བསྟན་པ།

Featured image for “བླ་མའི་རྣལ་འབྱོར་ཐུགས་རྗེ་མྱུར་བསྐུལ།”

བླ་མའི་རྣལ་འབྱོར་ཐུགས་རྗེ་མྱུར་བསྐུལ།

Featured image for “འབུམ་ཚོགས་སྨོན་ལམ་གྱི་འདོན་ཆ་ཕྱོགས་བསྒྲིགས།”

འབུམ་ཚོགས་སྨོན་ལམ་གྱི་འདོན་ཆ་ཕྱོགས་བསྒྲིགས།

Featured image for “ཤེས་བྱ་ཀུན་ཁྱབ་མཛོད། གླེགས་བམ་བཞི་པ།”

ཤེས་བྱ་ཀུན་ཁྱབ་མཛོད། གླེགས་བམ་བཞི་པ།

Featured image for “ཤེས་བྱ་ཀུན་ཁྱབ་མཛོད། གླེགས་བམ་གསུམ་པ།”

ཤེས་བྱ་ཀུན་ཁྱབ་མཛོད། གླེགས་བམ་གསུམ་པ།

Featured image for “ཕྱག་ཆེན་གངྒཱ་མའི་བཀའ་ཁྲིད་གངྒཱའི་ཆུ་རྒྱུན།”

ཕྱག་ཆེན་གངྒཱ་མའི་བཀའ་ཁྲིད་གངྒཱའི་ཆུ་རྒྱུན།

Featured image for “ཤེས་བྱ་ཀུན་ཁྱབ་མཛོད། གླེགས་བམ་གཉིས་པ།”

ཤེས་བྱ་ཀུན་ཁྱབ་མཛོད། གླེགས་བམ་གཉིས་པ།

Featured image for “ཤེས་བྱ་ཀུན་ཁྱབ་མཛོད། གླེགས་བམ་དང་པོ།”

ཤེས་བྱ་ཀུན་ཁྱབ་མཛོད། གླེགས་བམ་དང་པོ།

Featured image for “ཨ་ཕོ་དགའ་དགའི་ངོ་མཚར་བའི་མཛད་རྣམ།”

ཨ་ཕོ་དགའ་དགའི་ངོ་མཚར་བའི་མཛད་རྣམ།

Featured image for “༸སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་ཞལ་གདམས་གཅེས་བཏུས།”

༸སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེའི་ཞལ་གདམས་གཅེས་བཏུས།

Featured image for “ཟབ་ཏིག་སྒྲོལ་མ་མཎྜལ།”

ཟབ་ཏིག་སྒྲོལ་མ་མཎྜལ།

Featured image for “ཕྱག་ཆེན་རྒྱ་གཞུང་གི་སྨིན་གྲོལ་ཐོབ་ཡིག །”

ཕྱག་ཆེན་རྒྱ་གཞུང་གི་སྨིན་གྲོལ་ཐོབ་ཡིག །

Featured image for “རླངས་འཁོོར་བྱིིན་རློབས་ཀྱིི་ཆོོ་ག །”

རླངས་འཁོོར་བྱིིན་རློབས་ཀྱིི་ཆོོ་ག །

Featured image for “རྡོ་རྗེ་འཆང་ཐུང་མའི་འགྲེལ་པ།”

རྡོ་རྗེ་འཆང་ཐུང་མའི་འགྲེལ་པ།

Featured image for “གྲུབ་མཐའ་དྭགས་བརྒྱུད་མཛེས་རྒྱན། བྱེ་མདོ་གཉིས་ཀྱི་སྐོར།”

གྲུབ་མཐའ་དྭགས་བརྒྱུད་མཛེས་རྒྱན། བྱེ་མདོ་གཉིས་ཀྱི་སྐོར།

Featured image for “ཐུབ་པའི་རྒྱུན་ཁྱེར་པདྨའི་སྙིང་པོ།”

ཐུབ་པའི་རྒྱུན་ཁྱེར་པདྨའི་སྙིང་པོ།

Featured image for “ཐུབ་ཆོག་དཔལ་གྱི་སྙིང་པོ་དང་ཐུབ་བསྟོད།”

ཐུབ་ཆོག་དཔལ་གྱི་སྙིང་པོ་དང་ཐུབ་བསྟོད།

Featured image for “ཆོས་ཀྱི་སྙན་གྲགས། • The Glory of Dharma”

ཆོས་ཀྱི་སྙན་གྲགས། • The Glory of Dharma

Featured image for “དྭགས་པོའི་བླ་རྣལ་དང་ཚོགས་མཆོད།”

དྭགས་པོའི་བླ་རྣལ་དང་ཚོགས་མཆོད།

Featured image for “བླ་མའི་རྣལ་འབྱོར་བྱིན་རླབས་ཆར་རྒྱུན།”

བླ་མའི་རྣལ་འབྱོར་བྱིན་རླབས་ཆར་རྒྱུན།

Featured image for “གུ་རུ་ཆོས་ཀྱི་དབང་ཕྱུག་གི་རང་རྣམ་དང་ཞལ་གདམས།”

གུ་རུ་ཆོས་ཀྱི་དབང་ཕྱུག་གི་རང་རྣམ་དང་ཞལ་གདམས།