བསྡུས་པ་ཆེ་འབྲིང་ཆུང་གསུམ།


བསྡུས་པ་ཆེ་འབྲིང་ཆུང་གསུམ།


ཐུན་མོང་བསྡུས་པའི་རྣམ་བཤད་འཇམ་དབྱངས་བཞད་པའི་འཛུམ་ཟེར།

བསྡུས་པ་ཆེ་འབྲིང་ཆུང་གསུམ།

The Radiant Smile of Jamyang Zhepa

A Presentation of the Elementary, Intermediate, and Advanced Common Collected Topics

攝類學泛論—文殊喜笑

大攝類、中攝類、小攝類三段。

འཕྲུལ་དེབ་ཕབ་ལེན།

Download Ebook • 下載電子書

དཔེ་སྐྲུན་བྱེད་མཁན།
Publisher
出版者
འགྲོ་ཕན་གཙུག་ལག་དཔེ་སྐྲུན་ཁང་།
Altruism Publications
རྩོམ་པ་པོ།
Author
作者
༧རྒྱལ་དབང་བཅུ་བདུན་པ། བཀའ་བརྒྱུད་དགུན་ཆོས་ཡིག་ཆ་ཕྱོགས་སྒྲིག་ཚོགས་པ།
The 17th Karmapa, Kagyu Guncho Textbook Preparation Committee
第十七世大寶法王, 噶舉冬季辯經法會文獻編撰組
སྐད་རིགས།
Language
語言
བོད་ཡིག །
འཕྲུལ་དེབ་ཀྱི་པར་གཞི།
Ebook edition
電子書版本
2016-09-12
ཐུགས་སྣང་དགོས་པ།
Terms of Use
使用須知
ད་ལན་ཐམས་ཅད་མཁྱེན་པ་ཞྭ་དམར་དྲུག་པས་མཛད་པའི་ཐུན་མོང་བསྡུས་པའི་རྩ་ཚིག་འདི་བཞིན། ཐོག་མར་བོད་དུ་བཞུགས་པའི་བཀའ་བརྒྱུད་མཁན་པོ་འགས་བླ་བྲང་བཀྲ་ཤིས་འཁྱིལ་ནས་སྟེས་དབང་གིས་རྙེད་སོན་བྱུང་ཞིང་། སྤྱི་ལོ་ཉིས་སྟོང་བཅུ་གཉིས་དང་། བཅུ་གསུམ། བཅུ་བཞི་སྟེ་ལོ་སོ་སོར་བཀའ་བརྒྱུད་དགུན་ཆོས་ཡིག་ཆ་ཕྱོགས་སྒྲིག་ཚོགས་པ་ཟུར་འཛུགས་ཀྱིས་བསྡུས་པའི་རྣམ་བཤད་འདི་ཕྱོགས་སྒྲིག་དང་པར་སྐྲུན་བྱས། སྤྱི་ལོ་ ༢༠༡༢ ནས་བཟུང་ལོ་གསུམ་གྱི་རིང་བཀའ་བརྒྱུད་དགུན་ཆོས་ཐེངས་བཅུ་དྲུག་ནས་བཅོ་བརྒྱད་པའི་བར། བསྡུས་པའི་རྣམ་བཤད་འདི་དང་ཡོངས་འཛིན་རྣམ་རྒྱལ་གྲགས་པའི་བློ་རྟགས་བཅས་ལ། ངོས་དང་ཆོས་བརྒྱུད་ཆེན་པོ་བཞིའི་དཔང་པོ་དང་ལྷན་ཅིག་པའི་མདུན་དུ་བཤད་གྲྭ་ཁག་གིས་རིགས་ལུང་འགྲན་རྩོད་བྱས། དེར་མ་ཟད་ཐེངས་སོ་སོའི་དགུན་ཆོས་གྲུབ་རྗེས། བཀའ་བརྒྱུད་སྨོན་ལམ་དང་། བདེ་བྱེད་མའི་དགུན་ཆོས་བཅས་ཀྱི་རིང་བཤད་གྲྭ་ཁག་གི་མཁན་སློབ་དང་། དཔེ་ཆ་བ་དྲག་གྲས་རྣམས་བསྡུས་ནས་བསྐྱར་ཞིབ་ཀྱང་བགྱིད་ཡོད།

ད་ལན་སྔར་གྱི་བསྡུས་པའི་དེབ་གསུམ་པོ་གཅིག་ཏུ་བྱས་ཏེ། ཚིག་དོན་གྱི་ཆ་ལ་ཞུ་དག་དང་བསྐྱར་སྒྲིག་གང་ཐུབ་བྱས་ཐོག །བསྡུས་པའི་རྩ་ཚིག་ད་ལྟ་ལག་ཏུ་སོན་པ་བླ་བྲང་བཀྲ་ཤིས་འཁྱིལ་དང་། ཨ་མཆོག་མཚན་ཉིད་དགོན། བཀྲ་ཤིས་ལྷུན་པོའི་དཔེ་སོགས་དཔེ་མི་འདྲ་བ་མང་ཙམ་མཇལ་ཀྱང་། ཤོ་ལོ་ཀའི་གྲངས་མང་ཉུང་དང་། ནང་དོན་ཅུང་ཟད་མི་མཐུན་ཞིང་། འབྲས་སྤུངས་གནས་བཅུ་ལྷ་ཁང་དུ་གར་དབང་དྲུག་པས་མཛད་པའི་བསྡུས་པའི་རྩ་ཚིག་དཔེ་རྙིང་ཞིག་ཡོད་འདྲ་ཡང་། ད་བར་ལག་ཏུ་མ་སོན་པས་རྩ་ཚིག་གང་ཞིག་ཚད་མར་འཛིན་དགོས་མིན་ཐག་ཆོད་དཀའ་ཡང་། ཐོག་མར་རྙེད་པའི་རྩ་ཚིག་ནི་བླ་བྲང་པར་མ་ཀུན་མཁྱེན་འཇམ་དབྱངས་བཞད་པའི་གསུང་འབུམ་དུ་བཞུགས་པ་དེ་ཡིན་པས་རེ་ཞིག་འདི་ཉིད་གཙོ་བོར་བཟུང་ཡོད། རྩ་ཚིག་ཏུ་མེད་ཀྱང་ལས་དང་པོ་བར་ཉེ་བར་མཁོ་བ་ལྡོག་པ་ངོས་འཛིན་དང་།

གཅིག་ཐ་དད་ཀྱི་སྐོར་སོགས་བསྣན་ཡོད་ཅིང་། གཞན་ཡང་གཞུང་དོན་དགག་བཞག་སྤོང་གསུམ་གྱི་སྒོ་ནས་འཆད་ན་རིགས་ལམ་ལ་བརྡར་ཤ་ཆོད་ཆེ་བའི་དགོས་པ་ལྡན་པས། རྣམ་གཞག་གསུམ་པོ་སོ་སོར་ཕྱེ་སྟེ་བཀྲལ། མདོར་ན་བསྡུས་པའི་རྩ་ཚིག་འདི་སླར་ཡང་ནོར་བུ་རང་ལག་ཏུ་སོན་པ་ལྟ་བུའི་སྐལ་པ་བྱུང་བ་ནི། འདི་ཉིད་ཀྱི་འཆད་ཉན་མཛད་བཞིན་པའི་ཆོས་སྡེ་ཆེན་པོ་བཀྲ་ཤིས་འཁྱིལ་དང་། བཀྲ་ཤིས་ལྷུན་པོ་སོགས་ཀྱི་མཁས་དབང་རིམ་བྱོན་གྱི་སྐུ་དྲིན་དང་། བོད་དུ་བཞུགས་པའི་བཀའ་བརྒྱུད་མཁན་པོ་རྣམས་ཀྱིས་ཐུགས་སྣང་ཆེན་པོ་མཛད་པའི་ཉེར་ལེན། རྒྱ་གར་དུ་བཞུགས་པའི་བཤད་གྲྭ་ཁག་གི་མཁན་སློབ་དགེ་འདུན་ཡོངས་ནས་ཕྱར་བ་གྲུ་འདེགས་གནང་བའི་འབྲས་བུ་བཅས་སུ་ལགས་ན། སྐབས་འདིར་ངོས་ནས་ཐུགས་རྗེ་ཆེ་ལན་བརྒྱར་ཞུ་བ་ལགས། བསྡུས་པའི་རྩ་འགྲེལ་འདི་ལ་ད་དུང་ཐེ་ཚོམ་གྱི་ཆ་ཅུང་ཟད་ཡོད་པས་སླར་བསྐྱར་བཅོས་བྱ་དགོས་པ་ཡོད་པས་ཀུན་གྱིས་ཐུགས་བཞག་ཞུ།

ཞེས་གླེང་བརྗོད་སྦུད་ཙམ་འདི་ནི་ཨོ་རྒྱན་ཕྲིན་ལས་རྡོ་རྗེར་འབོད་པའི་གྱི་ན་བ་དེས། སྤྱི་ལོ་ ༢༠༡༥ ཟླ་ ༡༡ ཚེས་ ༢ ལ་རྒྱ་གར་བྱང་ཕྱོགས་དྷརྨ་ཤཱ་ལཱའི་ཉེ་ལོགས་སུ་བྲིས་པའོ། །

དྲྭ་ཐོག་ཏུ་བལྟ་ཀློག

Read online • 線上閱讀