དབྱངས་ཅན་དགའ་བ།
རྗེ་བརྒྱད་པ་མི་བསྐྱོད་རྡོ་རྗེ་དང་འབྲེལ་བའི་གསུང་རྩོམ་ཕྱོགས་སྒྲིག །
(Yangchen Gawa: A Collection of Writings Related to the Eighth Karmapa Mikyö Dorje)
དེབ་འདི་ཉིད་དོན་གཉེར་ཅན་རྣམས་ཀྱིས་༧རྗེ་བརྒྱད་པ་མི་བསྐྱོད་རྡོ་རྗེའི་རྣམ་ཐར་ལ་རྒྱུས་མངའ་ལེན་པའམ། ཞིབ་འཇུག་གི་རྒྱུ་ཆ་གལ་ཆེ་བ་རྣམས་གཟིགས་སྟབས་བདེ་བ། ༧རྗེ་བརྒྱད་པའི་སྐུ་གསུང་ཐུགས་ཀྱི་ཡོན་ཏན་རྗེས་སུ་དྲན་པའམ། རྗེ་ཉིད་ཀྱི་ལོ་རྒྱུས་ཀྱི་རིན་ཐང་མཁྱེན་པ་སོགས་ཀྱི་དོན་དུ་ད་རེས་ཐོག་མར་འཕྲུལ་དེབ་ཏུ་པར་ཞིང་། རྗེས་སོར་སླར་ཡང་ཞུ་དག་དང་ལེགས་བཅོས་ནན་ཏན་བྱས་ཏེ་དེབ་གཟུགས་སུ་པར་འཆར་ཡོད་པ་ཡིན། ད་རེས་འཕྲུལ་དེབ་འདི་ཡང་བྲེལ་ཟིང་གི་ཁྲོད་དུ་འདོན་ཐུབ་ཙམ་བྱུང་བ་ཡང་། གཙོ་བོ་༧རྒྱལ་དབང་བཅུ་བདུན་པས་ཐུགས་ཁུར་ཆེར་བཞེས་ཀྱིས་བཀའ་སློབ་ལམ་སྟོན་དང་། དགོས་ངེས་ཀྱི་ཡིག་ཆ་གལ་ཆེན་རྣམས་སྩལ་བ་མཛད་པ་སོགས་ཀྱི་བཀའ་དྲིན་ཉག་ཅིག་ལ་བརྟེན་ནས་བྱུང་བ་ཡིན་པས། ༧རྒྱལ་དབང་མཆོག་ནས་བསྟན་པ་དང་བརྒྱུད་པ་ལ་ཐུགས་ཁུར་ཆེ་བཞེས་གནང་བར་བཅོས་མིན་གྱིས་བཀའ་དྲིན་ཆེ་གྲངས་མེད་ཞུ་བར་འདོད།
