दाग्पोका चार धर्महरूको साधारण भाषामा व्याख्या: हीनमति प्रवेशद्वार
भट्टारक मिलारेपाका सूर्यसमान शिष्य दाग्पो ल्हाज्ये वा गम्पोपा पुण्यरनज्यूले लेख्नुभएको ‘दाग्पो छ्योय् श्हि’ वा ‘दाग्पोका चार धर्महरू’को अति सरल र मर्मस्पर्शी भाष्य भोट भाषामा परमपूज्य श्रद्धेय गुरुवर ठाङ्गु रिन्पोछ्येज्यूले लेख्नुभएको हो। उहाँले भोट भाषामै लेख्नुभएको यस मौलिक कृतिको नेपाली भाषामा अनुवाद लोचवा मिलन शाक्यज्यू गर्नुभएको हो।
भट्टारक मिलारेपाका सूर्यसमान शिष्य दाग्पो ल्हाज्ये वा गम्पोपाका तीन ग्रन्थहरू; सद्धर्ममोक्षरनालङ्कार, मार्गोत्तम रनमाला, र दाग्पोका चार धर्महरूलाई भविष्यमा श्रवण गरेको खण्डमा वा पढेर अभ्यास गरेको खण्डमा स्वयम् दाग्पो रिन्पोछेको प्रत्यक्ष दर्शन गर्नुभन्दा खासै भिन्न हुने छैन। त्यसकारण ती तीन ग्रन्थहरूलाई श्रवण, चिन्तन तथा भावनामार्फत अभ्यास गर्नुपर्छ। यो कुरा स्वयम् गम्पोपाले नै भन्नुभएको हो।
यस लघु ग्रन्थमा वर्णन गरिएका दाग्पोका चार धर्महरू यस प्रकार छन्; १. मति धर्ममा लाग्नु, २. धर्म मार्ग बन्नु, ३. मार्गले भ्रान्ति नाश गर्नु, ४. भ्रान्ति ज्ञानको रूपमा उदय हुनु। यी चार महत्त्वपूर्ण अत्यन्तै उपदेशहरूलाई श्रद्धेय गुरुवर ठाङ्गु रिन्पोछ्येज्यूले सरल भाषामा व्याख्या गर्नुभएको छ।
