यस हरित ताराको साधना महान निधि प्रदर्शक क्षोग्युर लिङपाको निधि अन्तर्गत पर्दछ जसको नाम ताराको चित्तनिधि गम्भीर गर्भबाट मण्डल अनुष्ठान दुई पुण्य संभारसार रहेको छ । हाम्रो दैनिक जीवनमा र धार्मिक अभ्यासहरू गर्ने क्रममा आइलाग्ने विघ्नबाधा हटाउन र हाम्रो मनोकामना पूर्ति गर्न यो साधना अतिनै प्रभावकारी छ भनी प्रशिद्ध छ । त्यसैले हरेक बिहान यस साधनालाई प्रायजसो सबै परम्पराको गुम्बाहरू र धार्मिक केन्द्रहरूमा वाचन गर्ने गरिन्छ । महा वैरोचनाले तन्त्रमा देशना गर्नु भएको यस २१ ताराको स्तूतिमा माता तारालाई सुन्दर ढंगले बारम्बार प्रसंसा गरेको देख्न सकिन्छ ।

यस नया इलेक्ट्रोनिक संस्करणमा १७ औं कर्मापाद्वारा भोट भाषामा वाचन गरिएको ताराको स्तूतिका साथै गुरू पद्म संभवका प्रार्थनाहरू पनि रहेका छन् ।

यो अभ्यास निधिबाट आइको हुनाले यहाँ समावेश गरिएका गुरू पद्म संभव तथा हेश्ये छोग्यालको प्रार्थना वाचन गरेर मात्र साधनाको शूरूवात गर्ने चलन रहि आएको छ । हामीले यसमा गुरू पद्म संभवका अन्य वैकल्पिक प्रार्थनाहरू पनि उपलब्ध गराएका छौं जसले विध्नबाधाहरू हटाउन र मनोकामना पुरा गर्न मद्दत गर्दछ ।

नोट: अन्य वज्रयानको अभ्यासहरू जस्तै यस अनुष्ठानको साधना पनि वज्रयानको योग्य गुरूबाट आवश्यक अनुमति, अभिषेक तथा निर्देशनहरू प्राप्त गरेर मात्र अभ्यास गर्न सकिन्छ ।