“ཨ་ཅེ་མེ་ཏོག་གཡང་འཛིན་མ”ཞེས་པའི་སྒྲུང་ནི་ཐོག་མར་སྤྱི་ལོ་ ༡༨༥༠ ལོར་དཔེ་སྐྲུན་བྱས། དེ་ནི་ཡོངས་ཁྱབ་ཀྱིས་དུས་ཀུན་ཏུ་ཆེས་ཕུལ་དུ་བྱུང་བའི་བརྩེ་དུང་གི་སྒྲུང་ཞིག་ཏུ་ངོས་འཛིན་བྱེད། སྒྲུང་འདི་ལ་བརྟེན་ནས་ལྷ་མོའི་ཟློས་གར་ཝིར་ཌི་ཡི་ཨ་ཅེ་མེ་ཏོག་གཡང་འཛིན་མ་ཞེས་པ་དང་། ཨོ་སི་ཀ་ཡི་རོལ་དབྱངས་ཀྱི་བྱ་དགའ་ཐོབ་པའི་རོལ་དབྱངས་ཀྱི་མུ་ལེན་རུ་ཤི་ཞེས་པ། བྷ་ལེ་ཟློས་གར་དང་གློག་བརྙན་མང་པོར་འཁྲབ་སྟོན་བྱས་ཡོད། “ཨ་ཅེ་མེ་ཏོག་གཡང་འཛིན་མ” ཞེས་པའི་སྒྲུང་རང་ནི་དུས་རབས་བཅུ་དགུའི་ནང་གི་དངོས་བྱུང་ཞིག་སྟེ། སྨད་འཚོང་མ་མ་རི་ཌུ་ཕེ་ལེ་སི་ཞེས་པ་དེ་དང་མོའི་དགའ་རོགས་ཡིན་ལ་སྒྲུང་རྩོམ་འདིའི་རྩོམ་པ་པོ་ཡང་ཡིན་པ་བུ་ཨ་ལེག་བཟན་ཌ་ཌུ་མ་གཉིས་བར་ལ་བྱུང་བའི་བརྩེ་དུང་གི་ཡིད་སྐྱོ་བའི་བྱུང་རིམ་ངོ་མ་ཞིག་ལ་གཞི་བཅོལ་ནས་བརྩམས་ཡོད།

སྒྲུང་རྩོམ་འདི་“ཨ་ཅེ་མེ་ཏོག་གཡང་འཛིན་མ་”ཞེས་གྲགས་དོན་ནི་སྒྲུང་རྩོམ་གྱི་ནང་གི་མི་སྣ་གཙོ་བོ་མར་གྷར་རི་ཋི་གྷོ་ཋི་ཨེ་ཞེས་པ་སྟེ། གྲོང་ཁྱེར་པ་རི་སི་ཡོངས་ལ་གྲགས་པའི་མཛེས་ཤོས་དང་། ངོ་ཚ་མེད་པ། རིན་གོང་མཐོ་བའི་སྨད་འཚོང་མ་དེ་ནམ་ཡང་མོ་རང་དགའ་ཤོས་ཀྱི་མེ་ཏོག་གཡང་འཛིན་མ་ཐོགས་ནས་མངོན་པའི་སྟབས་ཀྱིས་ཡིན། མོ་ལ་དགའ་རོགས་མང་པོ་ཡོད་ན་ཡང་། ལོ་ན་གཞོན་ཞིང་ཕོ་ཉམས་དོད་པ། མོ་ལ་ཐམས་ཅད་བློས་བཏང་གིས་དགའ་བའི་ཨར་མོནད་ ཌུ་ཧྥལ་ལ་ཐུག་པའི་བར་དུ་མོ་ལ་བརྩེ་བ་ངོ་མ་ཞིག་བྱུང་མེད།

སྒྲུང་རྩོམ་འདི་སྐད་ཡིག་སུམ་ཅུ་ལྷག་ལ་ཕབ་སྒྱུར་དང་ཡང་སྒྱུར་བྱས་ཡོད་ལ། འདི་ནི་ཡུལ་དུས་ཀྱི་བཀག་རྒྱ་ལས་ཐར་བའི་སྐྱོ་སྣང་ཅན་གྱི་བརྩེ་སྒྲུང་ཞིག་ཏུ་གྱུར་ཡོད།